Jańaózende erekshe kútimdi qajet etetin balalarǵa arnalǵan ońaltý ortalyǵy ashyldy
QR Prezıdenti Qasym-Jomart Toqaevtyń bastamasymen uıymdastyrylǵan «Igi ister marafony» jalpyulttyq jobasy aıasynda Jańaózen qalasynda jańa «Balaqaı» ońaltý ortalyǵy ashyldy. Ortalyq keshendi ońaltý qyzmetin kórsetedi, atap aıtqanda oǵan 9 qyzmet kiredi: emdik dene shynyqtyrý, gıdroterapııa, fızıoterapııa, massaj, arnaıy jabdyqta ıppoterapııa, sondaı-aq psıhologııalyq-pedagogıkalyq túzetý.
Mekemeniń ashylýyna «QazMunaıGaz» UK AQ Basqarma Tóraǵasy Alık Aıdarbaev, «Samruk-Kazyna Trust» qorynyń ókilderi, «Ózenmunaıgaz» AQ Bas dırektory Esen Óteev, sondaı-aq erekshe qajettilikteri bar balalardyń ata-analary qatysty.
Jobanyń bastamashysy «Munaıshy qamqory» QQ, onyń quryltaıshylary «Ózenmunaıgaz» AQ qyzmetkerleri bolyp tabylady. Ony júzege asyrý aıasynda kompanııa R. Ótesinov atyndaǵy dene shynyqtyrý- saýyqtyrý ortalyǵynyń bazasynan oryn bólip, jóndeý jumystaryn júrgizdi. Aıta ketý kerek, ortalyqtyń ákimshilik shyǵyndaryn óteý jyl saıynǵy bıýdjetti joba ákimshisi «Ózenmunaıgaz» AQ-men birlesip, 9 myńnan astam qyzmetkerlerdiń aı saıynǵy erikti jarnalarynyń arqasynda júzege asatyn bolady.
«Ortalyq jylyna tserebraldy sal aýrýy, aýtıstik spektrdiń buzylýy, psıhıkalyq damýdyń tejelýi, gemıparez, neıro-ortopedııalyq aýrýlar jáne basqa da erekshelikteri bar 600-ge jýyq balany tegin negizde qabyldaıtyn bolady», - dep atap ótti «Munaıshy qamqory» QQ ókili Keldibaı Sanzybaev.
«Samruk-Kazyna Trust» qory da bul jobany qoldap, qajetti jabdyqtardy, onyń ishinde júrý daǵdylaryn qalpyna keltirý úshin «Mercury Med» ońaltý keshenin, balans patologııasyn dıagnostıkalaýǵa arnalǵan «Bıokınekt» keshenin, ergoterapııaǵa arnalǵan trenajerlardy, magnıto jáne fızıoterapııaǵa arnalǵan apparattardy, barlyǵy 40 mln. teńgege 25 jabdyqty satyp aldy», – dep atap ótti «Samruk-Kazyna Trust» qorynyń resmı ókili - Korporatıvtik qyzmettiń basshysy Іrgebaev Mıras.
Sondaı-aq, ortalyqqa Jańaózen qalasynyń 15 bilikti mamany jumysqa ornalastyryldy.
«Bizdiń qalamyzda osyndaı zamanaýı ońaltý ortalyǵy paıda bolǵanyna óte qýanyshtymyn. Meniń ulymnyń tserebraldy sal aýrýy bar jáne bizge únemi ońaltýdan ótip otyrý qajet. Munda bizge kómektese alatyn bilikti mamandar, jańa jabdyqtar, trenajerler bar. «Erekshe» balalardyń ata-analarynyń atynan osy ortalyqty ashýǵa kómekteskenderdiń barlyǵyna alǵys aıtamyn», – dedi eki jasar Berdiǵalı Altynbektiń anasy Bııalaı Dúrisbaeva.
