Jańaózende er adam myltyqpen kóshe kezip júrgen
AQTAÝ. QazAqparat - Jańaózen qalasynda kóshede myltyqpen júrgen er adam ustaldy, dep habarlaıdy QazAqparat tilshisi.
QR Ulttyq ulany «Batys» óńirlik qolbasshylyǵynyń baspasóz qyzmetinen túsken málimetke sáıkes, oqıǵa keshe saǵat 19.50 shamasynda bolǵan.
«Kóktem» shaǵynaýdanynda 5548-áskerı bólim jaýyngerleri serjant Shynbol Aqan, qatardaǵy jaýyngerler Dáýrenbek Saıpýllaev pen Janbolat Ábdihaıym «DAEWOO Matiz» avtokóliginiń janynda ózin dóreki ustaǵan jas jigitti baıqaǵan. Ákimshilik quqyqbuzýshylyq jasaǵan ol ózin toqtatqan jol polıtsııasy qyzmetkerlerine balaǵat sózder aıtyp turǵan. Ulttyq ulan jaýyngerleri tártip saqshylaryna der kezinde kómekke barǵan. Buzaqylyq is-áreketti toqtatýdy talap etkenderge qulaq aspaǵan jas jigit sytylyp ketpekshi bolǵanymen, ol oıy júzege aspady.
Kýágerlerdiń qatysýymen oǵan tintý júrgizilgen. Nátıjesinde, tegis uńǵyly 16 kalıbrli «TOZ» myltyǵy tabylyp, tárkilendi.
Buzaqy polıtsııa qyzmetkerlerine tapsyryldy.
