Jańaózende eki kólik soqtyǵysyp, er adam qaza tapty

AQTAÝ. QazAqparat- Jańaózende eki kólik soqtyǵysty. Apat saldarynan bir adam qaza tapty, dep habarlaıdy QazAqparata tilshisi Mańǵystaý oblystyq densaýlyq saqtaý basqarmasynyń baspasóz qyzmetine silteme jasap.

Jol-kólik oqıǵasy «Qurmash-Ata—Jańaózen» tasjolynda oryn aldy.

«Oqıǵa ornynda 1967 jyly týǵan er adam kóz jumdy. Taǵy tórt adam túrli dárejedegi jaraqat alyp, jedel medıtsınalyq járdem brıgadasymen Jańaózen qalalyq kópsalaly aýrýhanasyna jetkizildi. 1983 jyly týǵan jas áıel shuǵyl túrde anestezıologııa, reanımatsııa jáne qarqyndy terapııa bólimine jatqyzyldy», - delingen habarlamada.

Qazir bir naýqastyń jaǵdaıy óte aýyr. Ol ókpendi jasandy jeldetý apparatyna qosylǵan.

1959 jáne 1981 jyly týǵan taǵy eki áıel travmatologııa bólimine jatqyzyldy. Olarǵa mıdyń jabyq jaraqaty, kontýzııa, tize men ıyq býynynyń kontýzııasy dıagnozy qoıyldy.

Al 1981 jyly týǵan er adam alǵashqy medıtsınalyq kómek kórsetilgennen keıin oń ıyq pen keýde qýysynyń jaraqatymen ambýlatorııalyq emdelýge jiberildi.

«Onyń ómirine esh qaýip joq. Tirkelgen jeri boıynsha emhanada jalpy praktıka dárigeriniń baqylaýynda bolady»,- delingen oblystyq densaýlyq saqtaý basqarmasy taratqan aqparatta.