Jańaózende eki adam gazdan ýlanyp kóz jumdy
AQTAÝ. QazAqparat – Búgin Jańaózen qalasynda eki adam gazdan ýlanyp kóz jumdy, dep habarlaıdy QazAqparat tilshisi.
Mańǵystaý oblysy TJD baspasóz qyzmetiniń habarlaýynsha, kezekshige saǵat 09:00-de qońyraý túsken.
«Jańaózende jeke turǵyn úıde ýly gazben ýlanýdan oqıǵa ornynda 1965 jylǵy er adam men 1969 jylǵy áıel adam qaıtys boldy», - delingen habarlamada.
TJD bastyǵynyń orynbasary Nurlan Jańabaevtyń aıtýynsha, qazirgi málimet boıynsha qaıǵyly jaǵdaıǵa jylytý peshin paıdalaný erejesin saqtamamý sebep bolǵan.
Eske sala keteıik, 11 aqpanda Fort-Shevchenko qalasynda eki adam gazdan ýlanyp zardap shekken bolatyn.
