Jańaózende destrýktıvti dinı aǵymdy ustanatyn 2 turǵyn ustaldy - UQK

NUR-SULTAN. QazAqparat – UQK qarýdy zańsyz jasaý jáne ótkizý isin tergeý barysynda destrýktıvti dinı aǵymdy ustanýshy eik Jańaózen turǵynyn ustady, dep habarlaıdy QazAqparat komıtettiń baspasóz qyzmetine silteme jasap.

«7 tamyzda Ulttyq qaýipsizdik komıteti atys qarýyn zańsyz jasaý jáne ótkizý faktisi boıynsha sotqa deıingi tergeý barysynda Mańǵystaý oblysy Jańaózen qalasynyń destrýktıvti dinı aǵymdy ustanýshy 2 turǵyndy ustady.

Tintý barysynda aıǵaq zattar tabylyp, tárkilendi. Onyń ishinde eki avtomat, úsh tapansha, dybyssyz atýǵa arnalǵan qurylǵy, sondaı-aq oq-dári bar. 9 tamyzda sot kúdikti adamdardy qamaýǵa sanktsııa berdi», delingen habarlamada.

Komıtet baspasóz qyzmetiniń málimetinshe, qazir tergeý fıgýranttardyń ekstremıstik sıpattaǵy qylmystarǵa qatysy tekserilip, istiń ózge de mán-jaıy anyqtalyp jatyr.