Jańaózende daýyl birneshe ǵımarattyń shatyryn ushyryp áketti
Mańǵystaý oblysy TJD baspasóz qyzmetiniń málimetinshe, Jańaózende bolǵan tabıǵı apat saldarynan eshkim zardap shekpegen.
«Qatty jeldiń saldarynan Órken shaǵyn aýdanyndaǵy tórt qabatty turǵyn úıdiń 70 sharshy metrge jýyq shatyrynyń keıbir jeri qıraǵan. Úıdiń aýdany-100 sharshy metr. Ǵımarat 1986 jyly salynǵan», - dedi TJD bastyǵynyń qorǵanys jónindegi orynbasary Bekbolat Ábdiqadyrov.
Budan bólek, Teńge aýylynda №2 emhananyń shatyry da qatty jel saldarynan qırady.
«Ǵımarat 1997 jyly salyndy, kúrdeli jóndeý 2017 jyly júrgizildi. Ákimdik ókilderimen birge komıssııa qurylyp, ol oqıǵa ornynda boldy», - dedi Bekbolat Ábdiqadyrov.
Aıte keteıik kesheden beri Mańǵystaý oblysynda qatty jel soqty. Sınoptıkter 28, 29 qańtarda óńirde ekpini 17-22 m/s qatty jel soǵatynyn eskertti.