Jańaózende buzaqyǵa 1 134 500 teńge aıyppul salyndy
AQTAÝ. QazAqparat - Jańaózen qalalyq sotynda QR Qylmystyq kodeksiniń 293-babynyń 1-bóligimen A-ǵa qatysty qylmystyq is buıryqtyq is júrgizý tártibinde qaraldy, dep habarlaıdy Mańǵystaý oblystyq sotynyń baspasóz qyzmeti.
Sotta anyqtalǵandaı, sottalýshy A. qasaqana, buzaqylyq nıetpen Jańaózen qalasy, «Órken» shaǵynaýdanynda ornalasqan «Qýanysh» meıramhanasynyń aldynda jábirlenýshi G-ǵa sebepsiz tıisip, ony soqqynyń astyna alǵan jáne qoǵamdyq orynda aıqaı-shý shyǵaryp, qylmys bolǵan jerden boı tasalap ketken.
Jańaózen qalalyq sotynyń úkimimen sottalýshy A. Qazaqstan Respýblıkasy Qylmystyq kodeksiniń 293-babynyń 1-bóligimen kináli dep tanylyp, oǵan bes júz aılyq eseptik kórsetkish mólsherinde 1 134 500 teńge aıyppul jazasy taǵaıyndaldy.
Úkim zańdy kúshine engen joq.
