Jańaózende bolǵan jappaı tártipsizdik oqıǵalary saılaý úderisine yqpal ete almaıdy - OSK tóraǵasy
ASTANA. 21 jeltoqsan. QazAqparat /Aıdar Ospanalıev/ - Jańaózende bolǵan jappaı tártipsizdik oqıǵalary jáne onymen baılanysty elde atqarylyp jatqan sharalar 2012 jylǵa josparlanyp otyrǵan saılaý úderisine yqpal ete almaıdy.
Bul týraly búgin Ortalyq saılaý komıssııasynyń kezekti otyrysynan soń jýrnalıstermen bolǵan baspasóz máslıhatynda atalmysh komıssııa tóraǵasy Qýandyq Turǵanqulov málim etti.
«Jańaózendegi jappaı tártipsizdikterge baılanysty Memleket basshysynyń Jarlyǵymen atalmysh qalada tótenshe jaǵdaı engizildi. Bul Jarlyq 2012 jyldyń 15-shi qańtaryna josparlanyp otyrǵan saılaýlardy ótkizýge tyıym salmaıdy. ıAǵnı Jańaózen qalasynyń aýmaǵynda Parlament Májilisi men máslıhat depýtattarynyń saılaýy 2012 jyldyń 15-shi qańtarynda ótedi. Osyǵan baılanysty biz Jarlyqpen belgilengen shekteýlerdi eskere otyryp, kandıdattar men saılaýshylardyń quqyqtaryn qamtamsyz etý úshin barlyq qajetti sharalardy qabyldap otyrmyz jáne olar adam quqyqtary salasyndaǵy qol qoıǵan qujattarǵa qaıshy kelmeıdi»,-dedi OSK tóraǵasy.
Onyń sózinshe, Jańaózende engizilgen shekteýler adamnyń azamattyq jáne saıası quqyqtary jónindegi halyqaralyq akti bekitken absolıýtti quqyqtar men bostandyqtaryn shektemeıdi. «Tek saılaýaldy úgit júrgizý tásilderiniń aıasyn belgili bir dárejede taryltady. Sonymen qatar depýtattyqtan kandıdattardyń úgit júrgizý nysandary men ádisterin tańdaý belgili bir dárejede shekteýli jaǵdaıda bolady. Atap aıtqanda, qala aýmaǵynda negizinen saılaýaldy úgitti beıbit jınalystar men mıtıngiler, sherýler túrinde ótkizý sharasy shekteledi. Al buqaralyq aqparat quraldarynda úgit naýqany tolyq kólemde júrgiziledi. Osyǵan baılanysty biz máslıhat depýtattyǵyna kandıdattardyń saılaýshylarmen kezdesýge arnalǵan bıýdjet qarajatyn buqaralyq aqparat quraldarynda qosymsha úgit materıaldaryn jarııalaý jáne baspa ónimderin shyǵarý úshin paıdalanýlaryna ruqsat ettik.
