Jańaózende blokpostar qaıta qoıylady

NUR-SULTAN. QazAqparat – Jańaózende shekteý sharalary kúsheıtilip, blokpostar qaıta qoıylatyn boldy. Bul týraly qalalyq ákimdiktiń baspasóz qyzmeti málimdedi.

Qalada 19 naýryzdan bastap koronavırýstyń aldyn alý jáne karantın rejımi kezinde azamattardyń qozǵalystaryna shekteý qoıý masqatynda «Jańaózen-Aqtaý», «Jańaózen-Kendirli», «Rahat-Qyzylsaı», «Jańaózen-Qaramandybas-Jetibaı» baǵyttaryndaǵy tas joldarǵa 4 sanıtarlyq blokbeket ornatylyp, olar 31 mamyr kúni karantın rejıminiń jeńildetilýine baılanysty alynǵan edi.

Mańǵystaý oblysynyń bas memlekettik sanıtarynyń 24 maýsym kúngi № 30-BSDQ qaýlysyna sáıkes, Jańaózen qalasy jáne Qaraqııa aýdanynyń aýmaǵynda karantın rejımi kúsheıtilip, aýrýdyń taralýyna baılanysty 25 maýsym kúni saǵat 00:00-den bastap blokpostar qaıta qoıylatyn boldy.