Jańaózende bes jylda 3 myń jumys orny qurylady
Óńirlik kommýnıkatsııalar alańynda ótken brıfıngte shahar basshysy Maqsat Ibaǵarov osylaı málimdedi. Aıtýynsha, bul túrli ınvestıtsııalyq jobalardy iske asyrý arqyly oryndalmaq. Atap aıtsaq, aldaǵy ýaqytta qalada qant quraǵyn óńdeý jáne qumsheker óndiretin kishi zaýyt salynady, qatty turmystyq qaldyqtardy qaıta óńdeý kombınatynyń óndirisi keńeıtiledi, ortalyq munaı tapsyrý pýnkti ashylady, 50 kereýettik statsıonary bar medıtsınalyq ortalyqtyń qurylysy aıaqtalady. Qazir qalada 9 515 adam jumyssyzdyqta tirkeýde tur. Onyń 2 473-i turaqty jumyspen qamtylǵan.
«Bárin biz munaı mekemelerine nemese munaı servıstik mekemelerine kirgize almaımyz. Biraq sol mekemelerdiń aýtsorsıngterine kirgizýge tyrysamyz. Mysaly, jumyspen qamtýdan 20 adam »Ózenınvest« mekemesine ketti. Shema bar. »Ózenınvestten« «VN grýpp» degen mekemege barady. «VN grýpten» 51 adam ekzamen tapsyryp, «Ózen munaıgazdyń aýtsorsıngine» kiredi»,-dedi Maqsat Ibaǵarov.