Jańaózende bes memlekettiń bylǵary qolǵap sheberleri synǵa tústi

AQTAÝ. KAZINFORM – 8-12 maýsym aralyǵynda Jańaózen qalasy Rahmet Ótesinov atyndaǵy dene shynyqtyrý saýyqtyrý kesheninde bokstan sport ardageri, jattyqtyrýshy Aqylbek Temirovty eske alýǵa arnalǵan halyqaralyq týrnır ótti.

Dúbirli dodaǵa Reseı, Ázerbaıjan, Qyrǵyzstan, Tájikstan, Ózbekstan memleketteri men elimizdiń barlyq óńirinen 300-ge jýyq sportshy qatysty. Olar bes kún boıy ózara myqtyny anyqtady. 

Jarystyń ashylý saltanatyna qurmetti qonaq retinde Olımpıada oıyndarynyn eki dúrkin kúmis júldegeri Ádilbek Nııazymbetov, Álem chempıony Erdos Jańabergenov, Álem chempıony Bekzat Nurdáýletov, Azııa oıyndarynyn kúmis júldegeri, Halykaralyk sport sheberi Erik Áljanov, Olımpıada oıyndarynyn katysýshysy, Qarýly kúshter arasyndaǵy Álem chempıony Berik Ábdirahmanov, Olımpıada oıyndarynyń eki dúrkin kúmis júldegeri Bolat Jumadilov, Mańǵystaý oblysy boks federatsııasynyń ókilderi men Jańaózen qalasynyń ákimi Janseıit Qaınarbaev qatysty.

Jarysta 2010-2011 jyldary týǵan jastar 17 salmaq dárejesinde júldelerdi sarapqa saldy. Jarys jeńimpazy atanǵan sportshyǵa arnaıy belbeý taǵyldy.

Aýqymdy týrnırdy uıymdastyrýǵa «Halyq» qaıyrymdylyq qory men «Birlik» qoǵamdyq birlestigi demeýshilik etti.

Aıta keteıik, «Halyq» qaıyrymdylyq qory buǵan deıin Mańǵystaý oblysynda sport ınfraqurylymyn damytýǵa úles qosqan bolatyn. Sondaı-aq, osy qordyń demeýshiligimen 2025 jylǵa deıin Jańaózen qalasynda úlken sporttyq dene shynyqtyrý-saýyqtyrý kesheni salyný josparlanyp otyr. Atalmysh qor esebinen salynbaqshy keshenge 1 mlrd teńge qarjy bólingen.