Jańaózende áıeldi pyshaqpen qorqytqan ózbekstandyq azamat ustaldy
QR Ulttyq ulany «Batys» óńirlik qolbasshylyǵy baspasóz qyzmetiniń bastyǵy, podpolkovnık Erbolat Sultanovtyń málim etkenindeı, oqıǵa 20 qyrkúıek kúni saǵat shamamen 18.00-de boldy.
Qatardaǵy jaýyngerler, top basshysy Kırıll Tıhonov, Meıirjan Serikbaı jáne Oljas Seraly kóshe tynyshtyǵyn kúzetý kezinde «Samal» shaǵynaýdanyndaǵy «7 qazan» kafesi janynan kómekke shaqyrǵan áıeldiń daýsyn estıdi.
Oqıǵa ornyna dereý jetken sarbazdar belgisiz adamnyń áıeldi pyshaqpen qorqytyp, aqsha talap etip, tonamaqshy bolyp jatqanyn kóredi.
Quqyq buzýshy qashpaq bolǵanymen, ony qoıan-qoltyq urys tásilimen jaýyngerler qolǵa túsiredi.
Kýágerlerdiń qatysýymen teksergen kezde 20 jastaǵy ózbekstandyq azamattan keńse pyshaǵy tabyldy.
Kórsetken qyraǵylyǵy men batyl is-áreketi úshin atalǵan jaýyngerler bólim komandırimen yntalandyryldy.