Jańaózende asyrandy balasyn urǵan áıel vıdeoǵa túsip qaldy
JAŃAÓZEN. QazAqparat - Jańaózende tórt jasar balany urǵan áıel anyqtaldy, dep habarlaıdy QazAqparat tilshisi.
Qaladaǵy kóp qabatty úıdiń birindegi balkonda áıeldiń 4 jasar balany urǵan sátin kórshileri beınejazbaǵa túsirip, jelige jarııalaǵan.
👤Jańaózen turǵyny aqtóbe qalasynan bala asyrap aldy sol balany kúnde uryp soǵady ústi kókkimbek bolyp júredi ana bala qorqady qatty qorqytyp qoıǵan jalǵyz basty əıel.Jańaózen qalasyn /10 mektepte psıholg bolp jumys jasaıdy.Bul vıdeony balkonnan əreń túsirdim alystan.
Oqıǵa 8 shilde kúni bolǵan. Jańaózen qalalyq qorǵanshylyq qamqorshylyq bóliminiń mamandary beınetaspa jazbasy boıynsha balany urǵan áıeldi anyqtady.
«Jylyna bir ret neke jáne otbasy zańyna sáıkes tekserip turamyz. Tekserý nátıjesinde balanyń deni saý, jaǵdaıy jaqsy boldy. Balabashaǵa barady. Ol kezde bizge shaǵym túsken joq»,-deıdi Jańaózen qalalyq bilim bóliminiń bas mamany Farıza Bekjanova.
Belgili bolǵandaı, jańa otbasynan salqyndyq emes, jylýlyq kórem dep barǵan 4 jasar Álıhandy 51 jastaǵy jańaózendik áıel 1 jyl buryn Aqtóbedegi balalar úıinen alyp, baýyryna basady. Balabaqshaǵa berip, qamqorlyǵyna alady. Ustaz bolyp qyzmet etetin ol óziniń bul áreketin bala «balkonǵa shyǵyp ketkesin, qulaısyń dep» urdym dep túsindirgen.
«Áleýmettik jelige shyqqan azamatshanyń jeke basy anyqtaldy. QR QK-141 babymen, kúdiktiniń isi tergelip jatyr»,-deıdi Jańaózen qalalyq ІІB TB tergeýshisi Shoqan Myńbaev.
Al sheshesinen taıaq jegen balanyń densaýlyǵy týraly dárigerler aıtyp berdi.
"Ógeı anasynan taıaq jegen sábı qazir qalalyq balalar aýrýhanasynda jatyr. Jaǵdaıy birqalypty", - deıdi dárigerler.
