Jańaózende alǵash ret arnaıy tehnıka qurastyrylyp jatyr

AQTAÝ. KAZINFORM - Mańǵystaýdaǵy munaı ken oryndarynda óńirde shyǵarylǵan tehnıkalar paıdalanylady.

Jańaózen qalasynda «KZ Machinery» JShS-i «Ózenmunaıgaz» AQ-nyń tapsyrysy boıynsha alǵash ret arnaıy tehnıkany qurastyra bastady. Kótergish agregat aldaǵy aptada qoldanysqa beriledi dep kútilip otyr.

«Tehnıkanyń óndiris oshaǵyna jaqyn jerde qurastyrylýy jumys barysyn baqylap, usynystarymyzdy ýaqytyly berip otyrýǵa yńǵaıly. Bul tehnıka bizdiń óndiristiń talabyna saı jasalyp jatyr. Jergilikti ónimdi qoldaý - bizdiń basty ustanymymyz. Kásiporynnyń ónimine tapsyrys kólemi ulǵaısa, Jańaózen turǵyndaryna kóptegen jumys oryndary ashylyp, júmyssyzdyqtyń azaıýyna septigin tıgizedi», - dedi «Ózenmunaıgaz» kompanııasynyń baspasóz qyzmeti.