Jańaózende alaıaq turǵyndarǵa nesıe aldyrmaq bolǵan
Qaskúnem ustaldy, ol tergeýde. Bul týraly Mańǵystaý oblystyq polıtsııa departamentiniń baspasóz qyzmeti habarlady.
«Jańaózen polıtsııa basqarmasyna bir áıel ótinish bildirip, Munaıly aýdanynyń 25 jastaǵy turǵyny nesıe alýǵa kómektesýge ýáde bergenin aıtty. Qyzmet úshin ol 150 myń teńge surady» delingen habarlamada.
Degenmen alaıaq aram oıyn júzege asyryp, turǵynnan aqshany alǵannan keıin taıyp turǵan. Anyqtalǵandaı alaıaq kelinshek, buǵan deıin 2019 jyldyń qazan aıynda Jańaózen qalasynyń 23 jastaǵy turǵynynan 150 myń teńge aqsha alǵan.
«Atalǵan fakti boıynsha QR QK 190-baby (Alaıaqtyq) boıynsha sotqa deıingi is júrgizý bastaldy. Ózge aqparat tergeý múddesinde jarııa etilmeıdi. Atalǵan qylmystyq ister boıynsha tergeý jalǵasýda jáne kinálilerge qatysty olardyń kinásiniń dárejesin anyqtaýmen túpkilikti sheshim olardyń nátıjeleri boıynsha qabyldanatyn bolady»,-delingen oblystyq polıtsııa departamentiniń baspasóz qyzmeti taratqan aqparatta.