Jańaózende 90-nan asa úı tekserilip, olardyń keıbireýlerinen janǵysh qospa quıylǵan ydystar, urlanǵan zattar tabyldy

Bul týraly búgin Astanada ótken brıfıngte Bas prokýratýranyń resmı ókili Nurdáýlet Súıindikov málim etti. Resmı ókildiń sózine qaraǵanda, búginde atalǵan qalada qarý, oq -dáriler, jarylǵysh zattar, sondaı-aq urlanǵan zattardy tabý maqsatynda úılerdi tekserý jumystary júrgizilýde. N.Súıindikov óz sózinde Jańaózendegi jappaı tártipsizdik barysynda 14 adamnyń qaza bolǵanyn naqtylap ótti. Olardyń jeke bastaryn anyqtaý jónindegi jumystar aıaqtaldy.