Jańaózende 8 aıdan beri iz-tússiz joǵalǵan áıel izdestirilip jatyr
ASTANA. KAZINFORM — Jańaózende 47 jastaǵy Dına Jarylǵasovany izdeý jarııalandy. Ol ótken jyldyń tamyz aıynda joǵalyp ketken bolatyn.
Lider.kz izdestirý qozǵalysynyń eriktilerinen alynǵan aqparatqa sáıkes, áıel 1-shi mıkroraıonda turǵan. 2025 jylǵy 5 tamyzda saǵat shamamen 19:00–de ol úıinen belgisiz baǵytqa shyǵyp ketken. Sodan beri habar-oshar joq.
Týystarynyń aıtýynsha, joǵalǵan áıeldiń boıy shamamen 170 santımetr, dene bitimi qalypty.
Ǵaıyp bolǵan kúni Dına Jarylǵasova aq burshaqtyń sýreti bar qara kóılek pen uzyn qyzyl órnekti jılet kıip júrgen. Onyń qolynda kishigirim hakı tústi sómke bolǵan.
Týysqandary men eriktiler áıeldi kórgen-bilgen bolsa, qandaı da bir aqparat bilse habarlasýdy suraıdy.
Aqparatty myna telefon nómirlerine habarlaýǵa bolady: +7 (700) 911-72-92 nemese 102.
Іzdestirýshiler aımaq turǵyndaryn habarlandyrýdy taratýǵa kómektesýge shaqyrady — kez kelgen aqparat mańyzdy bolýy múmkin.
— Sońǵy ret synyptastary tergeýge alynǵan. Jalpy olar jaqsy aralasatyn. Olardy bir-birlep shaqyrdy. Barlyǵynan anyqtama, kýálik aldy. Sińlim ekeýimiz kútip otyrmyz. Barymyz da, narymyz da, jalǵyz qamqorshymyz da… Bilesiz, ondaı jaǵdaı ońaı emes, — dedi joǵalǵan áıeldiń qyzy Nesibeli Qobylan.
Buǵan deıin Qostanaıda kámeletke tolmaǵan stýdentke izdeý jarııalanǵan edi.
