Jańaózende 44 jastaǵy er adam pyshaq jaraqatynan qaza boldy

AQTAÝ. KAZINFORM — Mańǵystaý oblysy Jańaózen qalasynda medıtsınalyq mekemede pyshaq jaraqatynan 44 jastaǵy er adam kóz jumdy. Oblystyq polıtsııa departamenti baspasóz qyzmetiniń habarlaýynsha, qaıǵyly jaǵdaı turmystyq janjal saldarynan bolǵan.

— Aldyn ala málimet boıynsha, janjal alkogol ishý barysynda bolǵan. Atalǵan derek boıynsha «Kisi óltirý» babymen qylmystyq is qozǵaldy. Kúdikti jedel túrde ustalyp, ýaqytsha ustaý ızolıatoryna qamaldy. Qazirgi ýaqytta bolǵan oqıǵanyń barlyq mán-jaıyn jan-jaqty, tolyq jáne obektıvti anyqtaýǵa baǵyttalǵan tergeý amaldary júrgizilip jatyr, — delingen habarlamada. 

Buǵan deıin, Jańaózende jas dáriger kisi qolynan qaza tapqan bolatyn.

Odan keıin, jeti balanyń anasy pyshaq jaraqatynan til tartpaı ketti. Kúdikti — kúıeýi.