Jańaózende 38 jetim bala turǵyn úı kezegine qoıylmaǵan

AQTAÝ. KAZINFORM – Jańaózen qalasynyń prokýratýrasy júrgizgen tekseris nátıjesinde ata-anasynyń qamqorlyǵynsyz qalǵan 38 jetim balanyń turǵyn úı kezegine qoıylmaǵany anyqtaldy. Bul týraly Mańǵystaý oblysynyń prokýratýrasy málimdedi.

«Turǵyn úı qatynastary týraly» Zańnyń 71-babyna sáıkes jetim balalardyń, ata-anasynyń qamqorlyǵynsyz qalǵan balalardyń zańdy ókilderi balany turǵyn úı alý úshin jergilikti atqarýshy organda esepke qoıýǵa mindetti.

«Qabyldanǵan prokýrorlyq qadaǵalaý sharalarynyń nátıjesinde barlyq balalar turǵyn úı kezegine engizildi», - delingen habarlamada.

Zańdylyqtyń buzylýyna jol bergen TKSh bóliminiń bas mamany tártiptik jaýaptylyqqa tartyldy.