Jańaózende 37 jastaǵy er adamdy atyp ketti

AQTAÝ. QazAqparat - Jańaózen qalasynda qarýdan jaralanǵan er adam qalalyq aýrýhanaǵa jetkizildi, dep habarlaıdy QazAqparat tilshisi.

Zardap shekken er adam qaladan 150 shaqyrym qashyqtyqta tabylǵan. Bul týraly Mańǵystaý oblystyq densaýlyq saqtaý basqarmasynyń baspasóz qyzmeti habarlady.

Jaraly adam tabylǵany týraly habar 9 jeltoqsan kúni saǵat 10.49 shamasynda túsken.

«Shaqyrtý bergender ony jol-kólik apatynan jaralandy dep oılaǵan. Olar osylaı dep habarlady. Dereý oblystyq jedel járdem brıgadasy jiberildi. Dárigerler barǵan soń jol apaty emes ekenin jetkizdi. Zardap shekken er adamnyń oqtan jaralanyp, jatyp qalǵany belgili boldy»,-dep habarlady basqarmadan.

1982 jyly týǵan azamatqa dárigerler «sýyq qarýdan jaýyryn tusynyń jaralanýy» dıagnozyn qoıdy. Ol qazir Jańaózen qalalyq kópbeıindi aýrýhanasynda emdelýde. Atalǵan derek boıynsha qylmystyq is qozǵalǵan.