Jańaózende 3 myńnan astam turaqty jumys orny ashylmaq

JAŃAÓZEN. QazAqparat - Jańaózenge keldim. Partııanyń taıaýdaǵy 5 jylǵa arnalǵan qalalyq saılaýaldy baǵdarlamasynyń jobasyn qaradyq. Bul týraly Nur Otan» patrııasy tóraǵasynyń birinshi orynbasary Baýyrjan Baıbek óziniń jelidegi paraqshasynda jazdy, dep habarlaıdy QazAqparat.

«Praımerız barysynda qala turǵyndarynan 100-den astam usynys tústi, onyń ishinde densaýlyq saqtaý men bilim berý deńgeıin kóterý, kópbalaly jáne turmysy tómen otbasylarǵa qoldaý kórsetý, joldar men aýla alańdaryn salý, aýyz sýmen qamtamasyz etý jáne basqalary bar. Bul máseleler baǵdarlamany jetildirý kezinde kórinis tabatyn bolady.

Qazaq gaz óńdeý zaýytynyń ujymymen kezdesýde kásiporyndy ary qaraı jańǵyrtý máselesin talqyladyq. Bul jobany iske asyrý «Nur Otan»-nyń qalalyq saılaýaldy baǵdarlamasyna da engizilgen. Jalpy, turǵyndardy jumyspen qamtý úshin qalada 3 myńnan astam turaqty jumys ornyn ashý josparlanýda», - dedi ol.

Sonymen birge, ol N.Nurgalıev, J.Erǵazıev, N.Allanazarov, Ǵ.Mahambetov jáne A.Tabyldıev syndy azamattardy qabyldap, kótergen máselelerin tyńdaǵany týraly aıtty.

«Partııalyq baqylaý komıteti men fılıal basshylyǵyna árbir ótinishti muqııat qaraýdy tapsyrdym»,- dedi ol.

Partııanyń Jańaózen qalasy boıynsha saılaýaldy baǵdarlamasynyń jobasymen primaries.kz saıtynan tanysýǵa bolady.