Jańaózende 29 jastaǵy er adamnyń ústine qubyr qulap ketti
ASTANA. QazAqparat - Oqıǵa Jańaózendegi óndiris aımaǵynda bolǵan. Zardap shegýshini ota jasaýǵa daıyndap jatyr. Bul týraly Mańǵystaý oblystyq aýrýhanasy jedel medıtsınalyq kómek bóliminiń meńgerýshisi Aıtqalı Shalabaev málim etti, dep habarlaıdy QazAqparat Lada.kz saıtyna silteme jasap.
Er adam 11 maýsymda ústine qubyr qulap ketkennen keıin aıaǵyn jaraqattap alǵan.
Basynda ol Jańaózen qalalyq aýrýhanasynda jatqan. Keıin aýrýhana basshylyǵy naýqasty ota jasaý úshin Mańǵystaý oblystyq aýrýhanasyna jetkizý týraly sheshim qabyldaǵan.
Zardap shekken jigit oblystyq aýrýhananyń travmatologııa bólimine 20 maýsymda aýystyryldy. Onyń jaǵdaıy ortasha aýyr dep baǵalanyp otyr.
«Naýqastyń oń jaq jiligi synǵan. Dárigerler ony ota jasaýǵa daıyndap jatyr», - dep túsindirdi Aıtqalı Shalabaev.
