Jańaózende 25 tozyǵy jetken úı kúrdeli jóndeýden ótedi

AQTAÝ. QazAqparat - Jańaózendegi 25 tozyǵy jetken úıdi kúrdeli jóndeýden ótkizý josparlanyp otyr, dep habarlaıdy Qazaqparat tilshisi.

Bul maqsatta «Samruq-Qazyna Trast» AQ 250 mln. teńge qarajat bólmek. Qazir shaharda 262 kópqabatty turǵyn úı bar, onyń 92-i tozyǵy jetken, 2-eýi apatty jaǵdaıda tur.

Osy ýaqytqa deıin apatty dep tanylǵan «Shańyraq» shaǵyn aýdanyndaǵy №59, №43 turǵyn úıdiń 73 páter ıesi jańa baspanamen qamtamasyz etilgen. Al, qalǵan turǵyndardy 2019 jyldyń sońyna deıin kóshirý josparlanǵan.