Jańaózende 204 adamǵa qaıtarymsyz grant berildi

AQTAÝ. QazAqparat - Jańaózen qalasynda qaıtarymsyz grant boıynsha bıyl bıýdjetten barlyǵy 204 adamǵa qarajat qarastyryldy, dep habarlaıdy QazAqparat tilshisi.

«Bıznes bastaý kásipkerlik negizderine oqytý» elektrondy business.enbek.kz saıty arqyly 1100 adam sertıfıkat ıelendi. Sonyń ishinde qaıtarymsyz grantqa 659 adam ótinish berip, 204 adam (mal sharýashylyǵy, tigin óndirisi, kondıterlik ónimder, baspahana sııaqty salalar boıynsha) 1 225 200 teńge kóleminde qaıtarymsyz grantqa ıe boldy.

«Qazirgi tańda 13 adam óz jeke kásibin bastap, 8 adamdy turaqty jumyspen qamtyp otyr. Qalǵan grant ıeleri óndiriske qajetti qural-jabdyqtaryn kútýde. Baǵdarlama qatysýshylarynyń jumysy jáne jospardyń tolyqqandy oryndalysy baqylaýda», - dedi Jańaózen qalalyq jumyspen qamtý jáne áleýmettik baǵdarlamalar bóliminiń basshysy Ulbazar Orynbaeva.

Grantqa ıe bolǵan adamdardyń ishinde jastar sanaty boıynsha 109 adam jáne áleýmettik osal toptar boıynsha 95 adam bar.