Jańaózende 14 jasar jasóspirim toǵyz jylǵa sottaldy

JAŃAÓZEN. QazAqparat - Jańaózende oqýshyny pyshaqtaǵan jetkinshekke qatysty sot úkimi shyqty, dep habarlaıdy QazAqparat tilshisi.

Oqıǵa 6 aı buryn bolǵan. 9-synyp oqýshylary «Shuǵyla» shaǵyn aýdanynda tóbelesip, saldarynan 15 jastaǵy Qanaǵat Amanqosov pyshaq jaraqatynan mert boldy. Birneshe jerden jaraqat alǵan jetkinshekti dárigerler aman alyp qala almady.

Atalǵan qylmystyq jaǵdaıǵa baılanysty is qozǵalyp, is 3 aı tergelip, sot úkimi shyqty.

«B esimdi jasóspirim QR QK 99-babynyń 2-bóligimen 7.14-tarmaqtarymen Mańǵystaý oblystyq mamandandyrylǵan qylmystyq ister sotymen kináli dep tanylyp, 9 jyl 6 aıǵa bas bostandyǵynan aıryldy»,-deıdi Jańaózen qalasy PB TB tergeýshisi Mańǵystaý Djanabev.