Jańaózende 13 jastaǵy oqýshy tátti nan ónimderin daıyndaıdy

NUR-SULTAN. QazAqparat - Jańaózen qalasynyń turǵyny Arystan Bekmuhanbet 7 jastan bastap tátti nan ónimderin daıyndaýdy úırengen. Bul kásipti hobbıine aınaldyrýdyń basty sebebi ata-anasyna tátti taǵamdar ázirlep, dámdi aspen qýantý bolǵan, dep habarlaıdy qalalyq ákimdiktiń baspasóz qyzmeti.

Qazir Arystan 13 jasta, Jańaózen qalasynyń №20 orta mektebinde 8-synyp oqýshysy. Búginde ol toqash pisiredi.

«Tátti nan ónimderin 6-7 jastan pisirip bastadym. Bolashaqta armanym veterınar bolý jáne naýbaıhana ashý. Negizi barlyq taǵam túrlerin, tátti torttar da pisire alamyn. Degenmen, tátti nan ónimderin súıispenshilikpen jasaımyn. Qazirgi tańda ózim daıyndaǵan nan ónimderin satyp, úıden tapsyrys qabyldaımyn. Ol meniń bolashaqtaǵy kásibim emes, jaı ǵana qyzyǵýshylyǵym», - dedi Arystan Bekmuhanbet.

Arystannyń anasy Mánshúk 13 jastaǵy balasyna qoldaý kórsetedi. Arystannyń erteńine úlken úmit artyp, talaı belesterdi baǵyndyratynyna jaqyn jandarynyń da senimi mol.