Jańaózen zaýytyndaǵy órttiń saldaryn joıý boıynsha jedel shtab quryldy
Bul týraly Mańǵystaý oblysynyń qoǵamdyq kommýnıkatsııa ortalyǵynda ótken shuǵyl brıfıngide Jańaózen qalasynyń ákimi Maqsat Ibaǵarov málim etti.
Onyń aıtýynsha órt saldaryn joıý boıynsha jedel shtab quryldy. Zardap shekkender joq.
«16 maýsym saǵat 22:09-da Jańaózen qalasyndaǵy «Qazaq gaz óńdeý zaýyty» JShS kompressorlyq tsehynyń aýa tońazytqyshy órtendi. Saǵat 23:17-de órtti oqshaýlaý jáne tolyq joıý jumystary júrgizildi. Órt saldarynan gradırnıa konstrýktsııasynyń bir bóligi isten shyqty, negizgi jabdyq zardap shekken joq. Gradırnıany qalpyna keltirý boıynsha avarııalyq-jóndeý jumystary bastaldy. QazGÓZ boıynsha oqys oqıǵany tekserý týraly buıryq shyǵaryldy, órt saldaryn joıý boıynsha jedel shtab quryldy», - dedi Maqsat Ibaǵarov.
«Qazaq Gaz Óńdeý» zaýyty basshysy Naqbergen Tólepovtiń aıtýynsha zaýyttyń daıyn ónim qoımalaryndaǵy suıytylǵan munaı gazynyń mólsheri óńirdiń qajettiligin shamamen eki táýlikke qamtamasyz etedi.
«Suıytylǵan gaz qory jetkilikti. Eger qjettilik týyndaǵan jaǵdaıda Atyraý munaı óńdeý zaýytynan óńirge suıytylǵan gazdy balamaly jetkizýge múmkindik bar. Zaýyttyń 30 paıyzy jumys jasap tur. Órt bolǵan aımaq jaqyn arada tolyq qalpyna keltiriletin bolady. Óńirde suıytylǵan gazben qamtamasyz etý boıynsha eshqandaı irkilister kútilmeıdi»,-dedi Naqbergen Tólepov.
Óńirge aı saıyn shamamen 18 myń tonna suıytylǵan gaz bólinedi. Onyń ishinde QazGÓZ-den 14,5 myń tonna, AMÓZ-den 3,5 myń tonna. Jedel aqparat boıynsha QazGÓZ-den 8 myń tonna, AMÓZ-den 1,6 myń tonnadan astam suıytylǵan gaz shyqty
Aıta keteıik, 2021 jyldyń 16 maýmynda jergilikti ýaqytpen 22:19-da Jańaózen qalasyndaǵy óndiristik aımaqta «KazGPZ» JShS-niń kompressorlyq tsehynda órt shyqqanyn habarlaǵan bolatynbyz.