Jańaózen mańyndaǵy apattan zardap shekken qyzdyń jaǵdaıy aýyr
ASTANA. QazAqparat - Jańaózen mańynda jolaýshylar tasymaldaýshy qoǵamdyq kólik pen teplovozdyń soqtyǵysýy saldarynanaıaǵynan aıyrylǵan qyzdyń jaǵdaıy aýyr, dep habarlaıdy Mańǵystaý oblysy ákiminiń baspasóz qyzmeti.
"Jol apatynan zardap shekken taǵy 2 búldirshin oblystyq balalar aýrýhanasynda em qabyldaýda. Naýqastyń biri - 2007 jyly týǵan. Onyń san súıegine syrtqy fıkserleýshi qurylǵyny qoldaný boıynsha ota jasalyp, ári qaraı emdeý jáne tekserý boıynsha keńes berilgen. Jasóspirimniń qazirgi tańdaǵy jalpy jaǵdaıy aýyr, ózdiginen dem alýda. Al, 2011 jyly týǵan ul bala jansaqtaý bóliminen travmatologııa jáne ortopedııa bólimine aýystyrylǵan. Jaǵdaıy turaqty",-deıdi dárigerler.
Al 25 qarasha kúni Mańǵystaý oblysy Jańaózen qalasy mańynda bolǵan jol apatynan zardap shekken 17 adam aýrýhanadan shyǵyp, qazirgi tańda úılerine aman saý oraldy.
Oblystyq aýrýhana dárigerleriniń habarlaýynsha, áli 9 jolaýshy em qabyldap jatyr. 2 naýqas hırýrgııalyq bólimde, 3 adam travmatologııa bóliminde ortasha aýyr halde. Al, jaǵdaıy aýyr 2 jolaýshy jansaqtaý bóliminen áli aýystyrylmaǵan.
Jol apatynan zardap shekken taǵy 2 búldirshin oblystyq balalar aýrýhanasynda em qabyldaýda. Naýqastyń biri - 2007 jyly týǵan. Onyń san súıegine syrtqy fıkserleýshi qurylǵyny qoldaný boıynsha ota jasalyp, ári qaraı emdeý jáne tekserý boıynsha keńes berilgen. Jasóspirimniń qazirgi tańdaǵy jalpy jaǵdaıy aýyr, ózdiginen dem alýda. Al, 2011 jyly týǵan ul bala jansaqtaý bóliminen travmatologııa jáne ortopedııa bólimine aýystyrylǵan. Jaǵdaıy turaqty,-deıdi dárigerler.
Jańaózen qalalyq ákimdiginde jol kólik oqıǵasynan zardap shekkenderdiń januıalaryna moraldik jáne materıaldyq kómek kórsetý úshin jumysshy toby qurylǵan bolatyn. Qazirgi tańda jumysshy top qaıtys bolǵandardyń januıalaryna qajetti materıaldyq kómekter kórsetýde. «Qazaqstan temir joly» AQ tarapynan qaıtys bolǵan 9 januıanyń otbasyna 1 mln teńgeden, aýyr jaraqat alǵan 9 adamǵa 600 myń teńgeden jáne ortasha jáne jeńil jaraqat alǵan 18 adamǵa 300 myń teńge kóleminde aqshalaı qarajat berilgen.
Sonymen qatar, jol kólik oqıǵasynan zardap shekkenderge materıaldyq kómek kórsetý maqsatynda qoǵamdyq qor qurylyp, qala turǵyndary men oblys aýmaǵynda ornalasqan mekemelerden 300 myń teńge aýdarylǵan.
Qazirgi tańda jergilikti polıtsııa qyzmeti qoǵamdyq kólikterde artyq jolaýshylar tasymalynyń aldyn alý baǵytynda kúndelikti jedel-profılaktıkalyq sharalar ótkizýde. Ákimdik tarapynan qoǵamdyq kólikterge úsh mezgil monıtorıng júrgizilip jatyr.
Esterińizge sala keteıik, 25 qarashada Jańaózen qalasy - Teńge aýyly arasyndaǵy temir jol ótkelinde jolaýshylar tasymaldaýshy №3 qoǵamdyq kóligi men teplovoz soqtyǵysqan bolatyn. Apat kezinde 8 jolaýshy mert bolyp, 27-si jaraqat alǵan edi.
