Jańaózen qalasynda jezóksheler ordasy anyqtaldy
AQTAÝ. QazAqparat - Jańaózende qalalyq monshadan jezóksheler ordasy anyqtalyp, «jeńgetaılyqty» kásip etken azamatsha ustaldy. Polıtsııa qyzmetkerleri tánin saýdalaǵan onǵa jýyq qyzdy polıtsııa bólimshesine jetkizgen, dep habarlaıdy QazAqparat tilshisi.
«Stop- Trafık» jedel aldyn alý sharasy kezinde osyndaı azǵyn áreketke barǵandar anyqtaldy. Jeńil aqsha tapqysy kelgen «jeńgetaı» monsha qyzmetimen qatar, kelýshilerge jezókshe qyzdardy usyný arqyly paıda tapqan. Qos qyzmet usynǵan saýnada Taraz qalasynan kelgen qyzdar kóp eken.
¤Reıdtiń maqsaty - tánin saýdalap, jezókshelikpen, jeńgetaılyqpen aınalysý faktilerine jol bermeý, tosqaýyl bolý. Jedel izdestirý barysynda kelýshilerge qyzdardy aqshaǵa satqan jeńgetaı jazaǵa tartyldy.
«Vokzaldaǵy monshadan jezóksheler men jeńgetaılyqpen aınalysyp júrgen monsha ákimgeri ustaldy. Olardan tabys etilgen aqshalar anyqtaldy. Jezóksheler sanatyna qoıylyp, tıisti qujattar tirkeldi. Іs tirkelip, QR ÁQTK 450-492 baptary boıynsha sotqa jiberildi», - deıdi JQ ІІB jedel ýákili Bolatbek Yqylasov.
Quqyq qorǵaý organy qyzmetkerleriniń málimeti boıynsha, 2017 jyldyń úsh aıynda jeńgetaılyqpen aınalysqan eki áıeldiń isi sotqa joldanypty. Bıyl jyl basynan beri osyndaı eki derek tirkelip otyr. Sondyqtan jedel aldyn alý sharasy taǵy jalǵaspaq.
Foto: ustinka.kz
