Jańaózen qalasynda Jastar teatry ashyldy
Óner ujymy óskeleń urpaqqa rýhanı qundylyqtardy dáriptep otandyq jáne álemdik qoıylymdardy sahnalaýǵa, mádenı-estetıkalyq álemniń, tanym-taǵylymyn, shyǵarmashylyq áleýetin jetildirýge kúsh salmaq.
Aldaǵy ýaqytta jas ártister óner akademııasynyń bilikti mamandarymen ózara tájirıbe almasady.
Oblystyq mádenıet, tilderdi damytý jáne arhıv isi basqarmasynyń basshysy Pánııa Sarmýrzınanyń aıtýynsha, jańa teatr «Munaıshy» mádenıet úıiniń janynan qurylǵan.
«Teatrdyń baǵasyn eń birinshi beretin kim? Ol - kórermen. Qazirgi ýaqytta, N.Jantórın teatryndaǵy qaı qoıylymnyń da óz kórermeni bar. Osy aptada qoıylǵan spektakldi kelesi aptada suraýshylar óte kóp. Biz ony maqtanyshpen aıta alamyz. 2004 jyly alǵash ret qurylǵan oblystaǵy N.Jantórın atyndaǵy mýzykalyq-drama teatry da osylaı óz bastaýyn alyp, jumys bastaǵan edi. Búginde respýblıka boıynsha aldyńǵy qatarda. Mine, jańadan qurylǵan bul teatrdyń jumysyna da sáttilik tilep, jańa deńgeıden boı kórsetedi degen senimdemiz»,-dedi Pánııa Sarmýrzına.
