Jańaózen qalasynda «Saılaýǵa barasyń ba? Sıgnal ber!» atty fleshmob ótti (FOTO)
AQTAÝ. QazAqparat - Jańaózenniń belsendi jastary Qazaqstan Respýblıkasy Prezıdenttik saılaýyna qoldaý kórsetý maqsatynda fleshmob uıymdastyrdy. Olar qala kósheleriniń boıynda «Sen saılaýǵa barasyń ba? Sıgnal ber!» degen jazýy bar plakattardy ustap shyǵyp, turǵyndardy saılaýǵa shaqyrdy.
«Aldymyzdaǵy jeksenbide ótetin saılaýǵa daýys berýge shaqyrý úshin biz osyndaı qyzyqty túrde fleshmob jasadyq. Óıtkeni jumys kúnderi azamattardyń kóbi kólik ústinde bolady, sondyqtan biz olardyń bir jaǵynan kóńilderin kóterýge, ekinshi jaǵynan saılaýǵa kelýge nazarlaryn aýdardyq», - deıdi eriktilerdiń biri Ədilet Batyrhan.
