Jańaózen qalasynyń ákimi aýysty
ASTANA. KAZINFORM — QR Prezıdenti Ákimshiliginiń kelisimi boıynsha, oblys ákimi Nurdáýlet Qılybaıdyń ókimimen Symbat Tóretaev Jańaózen qalasynyń ákimi bolyp taǵaıyndaldy. Bul týraly Mańǵystaý oblysy ákiminiń baspasóz qyzmeti málim etti.
Symbat Qýanyshuly Tóretaev 1978 jylǵy 27 qańtarda Mańǵystaý oblysy Eralıev aýdanynyń Jetibaı aýylynda dúnıege kelgen.
Eńbek jolyn 2000 jyly Mańǵystaý oblystyq ishki ister basqarmasynyń uıymdasqan qylmysqa qarsy kúres basqarmasynda jedel ýákil qyzmetinen bastaǵan. Keıin aǵa jedel ýákil, asa mańyzdy ister jónindegi aǵa jedel ýákil laýazymdarynda jumys istedi.
2006-2010 jyldary «Nur» jaýapkershiligi shekteýli seriktestiginiń dırektory qyzmetin atqardy.
2010-2014 jyldary Qaraqııa aýdany Munaıshy aýylynyń ákimi boldy.
2015-2017 jyldary Mańǵystaý oblysy ákimi apparatynyń quqyq qorǵaý organdarymen jumys, terrorızmge qarsy is-qımyl, jumyldyrý daıyndyǵy jáne azamattyq qorǵanys bóliminiń basshysy qyzmetin atqardy.
2017-2019 jyldary Mańǵystaý oblysy ákimi apparatynyń terrorızmge qarsy is-qımyl bóliminiń basshysy boldy.
2019-2023 jyldary Qaraqııa aýdany ákiminiń orynbasary qyzmetin atqardy.
2023 jylǵy mamyrdan bastap osy ýaqytqa deıin Qaraqııa aýdanynyń ákimi qyzmetin atqaryp keldi.
Buǵan deıin QR Prezıdenti Ákimshiliginiń kelisimi boıynsha, oblys ákimi Nurdáýlet Qılybaıdyń ókimimen Erbol Іzbergenov Mańǵystaý oblysy ákiminiń birinshi orynbasary bolyp taǵaıyndalǵanyn jazdyq.
Al Bekbol Orynbasarov Mańǵystaý oblysy ákiminiń orynbasary bolyp taǵaıyndaldy.
