Mańǵystaý oblysyndaǵy munaı uńǵymasynda apat boldy
JAŃAÓZEN. KAZINFORM — Jańaózen qalasy Teńge aýylynan 500 shaqyrym jerde munaı uńǵymasynda apat boldy. Bul týraly Mańǵystaý oblysynyń Ekologııa departamenti habarlady.
Vıdeo áleýmettik jelilerde taraǵan bolatyn.
— Atap aıtqanda, tótenshe jaǵdaı saǵat 8:30 shamasynda «Petro NefteGazservıs» JShS-niń № 553 skvajınasy burǵylaý jumystaryn júrgizý barysynda bolǵan.
Tıisinshe, saǵat 8:40–ta mekeme qajetti is-sharalardy qabyldap, tótenshe jaǵdaı oqshaýlanǵan. Mańǵystaý oblysy boıynsha ekologııa departamenti zerthanalyq-taldamalyq baqylaý bólimi atalǵan aýmaqqa apattan qanshalyqty zııan kelgenin zerttep jatyr, — delingen habarlamada.
Ólshemder qorytyndysy men qabyldanǵan sharalar qosymsha habarlanady.
Aıta ketelik ekologııalyq talapty buzǵan munaı kompanııalaryna aıyppul salynǵan edi.