Jańaózen qalasy ákiminiń orynbasary aýysty
ASTANA. KAZINFORM — Maqsat Muqash Jańaózen qalasy ákiminiń orynbasary bolyp taǵaıyndaldy, dep habarlaıdy qalalyq ákimdiktiń baspasóz qyzmeti.
Jańaózen qalasynyń ákimi Janseıit Qaınarbaev qala aktıvine jáne qalalyq máslıhat depýtattaryna Jańaózen qalasy ákiminiń orynbasary laýazymyna taǵaıyndalǵan Maqsat Asqaruly Muqashty tanystyrdy.
Maqsat Asqaruly Muqash 1991 jyly Mańǵystaý oblysy, Jańaózen qalasynda dúnıege kelgen.
Bilimi — joǵary. L. N. Gýmılev atyndaǵy Eýrazııa ulttyq ýnıversıtetin «Dene shynyqtyrý jáne sport», M. S. Nárikbaev atyndaǵy QAZGZÝ ýnıversıtetin «Quqyqtaný», Esil University mekemesin «Memlekettik jáne jergilikti basqarý» mamandyqtary boıynsha támamdaǵan.
Eńbek jolyn 2013 jyly bilim jáne sport salasynda bastaǵan. Ár jyldary balalar men jasóspirimder sport mektepterinde basshylyq qyzmetter atqardy.
2019–2023 jyldary Jańaózen qalasyndaǵy № 1 balalar men jasóspirimder sport mektebiniń dırektory boldy.
Jańaózen qalalyq máslıhatynyń VІІ shaqyrylym depýtaty (2021 — 2023 jj.)
2023 j. maýsym–qazan — Mańǵystaý oblysy ákiminiń kómekshisi qyzmetin atqardy.
2023 jylǵy qazan aıynan bastap Mańǵystaý oblysynyń dene shynyqtyrý jáne sport basqarmasyn basqardy.
2025 jylǵy 22 jeltoqsan kúni Jańaózen qalasy ákiminiń orynbasary bolyp taǵaıyndaldy.
Budan buryn Qostanaı oblysy ctatıstıka departamentiniń basshysy aýysqany belgili boldy.