Jańaózen ataýyn aýystyrý týraly usynysty barsha óńir halqy talqylaýda - Mańǵystaý oblysynyń jumyspen qamtýdy úılestirý jáne áleýmettik baǵdarlamalar basqarmasynyń bastyǵy
AQTAÝ. 4 qarasha. QazAqparat - Jańaózen ataýyn aýystyrý týraly usynysty barsha óńir halqy keńinen talqylaýda,- deıdi Mańǵystaý oblysynyń jumyspen qamtýdy úılestirý jáne áleýmettik baǵdarlamalar basqarmasynyń bastyǵy Gýlmıra Qalmuratova.
Jańaózende týyp, osynda 40 jylǵa jýyq eńbek etken Gúlmıra Muratqyzy bul máselede asyǵystyqqa jol bermeý kerektigine basa toqtaldy.
«Bir qýantatyny, tek Jańaózen qalasy ǵana emes, aımaqtyń ózge de eldi mekenderiniń bul máselede syrt qalmaýy qýantady. Jurtshylyq óz pikirlerin qyzý ortaǵa salyp jatyr. Kópshiliktiń tilegine qoldaý bildiriletin bolsa, bul shynaı demokratııanyń belgisi bolmaq. Biraq bul máselede asyǵystyqqa jol berýge bolmaıdy», - deıdi basqarma basshysy.
Budan basqa Gúlmıra Qalmuratova munaıshylar qalasynyń qordalanǵan problemalaryn sheshý máselesinde san-salany qamtý qajettigin aıtady.
