Jańaózen ákiminiń burynǵy orynbasary Túpqaraǵan aýdanyna ákim boldy
ASTANA. KAZINFORM — QR Prezıdenti Ákimshiliginiń kelisimi boıynsha, oblys ákimi Nurdáýlet Qılybaıdyń ókimimen Erbol Derbisov Túpqaraǵan aýdanynyń ákimi laýazymyna taǵaıyndaldy.
QR Prezıdenti Ákimshiliginiń kelisimi boıynsha, oblys ákimi Nurdáýlet Qalymuly Qılybaıdyń ókimimen Erbol Qalymuly Derbisov Túpqaraǵan aýdanynyń ákimi laýazymyna taǵaıyndaldy.
Erbol Qalymuly 1986 jyly týǵan, bilimi joǵary, 2008 jyly Ál-Farabı atyndaǵy Qazaq ulttyq ýnıversıtetiniń «Zańger» bakalavry mamandyǵy boıynsha jáne 2010 jyly Ál-Farabı atyndaǵy Qazaq ulttyq ýnıversıtetiniń «Quqyqtaný» magıstri mamandyǵy boıynsha bitirgen.
Eńbek jolyn 2010 jyly «Kaspıı-Ak» jaýapkershiligi shekteýli seriktestiginiń zańgeri bolyp bastady.
2012-2015 jyldary «Kaspıı-Ak» jaýapkershiligi shekteýli seriktestiginiń zań bóliminiń bastyǵy.
2015-2021 jyldary «Kaspıı-Ak» jaýapkershiligi shekteýli seriktestiginiń dırektordyń orynbasary.
2017-2021 jyldary «DKB-Stroı» jaýapkershiligi shekteýli seriktestiginiń dırektory.
2021 jyly «Kaspıı-Ak» jaýapkershiligi shekteýli seriktestiginiń dırektory.
2021 jyly Mańǵystaý oblysy ákiminiń kómekshisi.
2022-2023 jyldary Munaıly aýdandyq qurylys, sáýlet jáne qala qurylysy bóliminiń basshysy.
2023-2025 jyldary Mańǵystaý oblysynyń qurylys, sáýlet jáne qala qurylysy basqarmasy basshysynyń orynbasary.
2025 jyldyń jeltoqsan aıynan bastap osy ýaqytqa deıin Mańǵystaý oblysy Jańaózen qalasy ákiminiń orynbasary laýazymynda boldy.
Aıta keteıik, Túpqaraǵan aýdanynyń ákimi Erjan Kúmisqalıev atqarǵan laýazymynan óz erkimen bosataldy.
Buǵan deıin Atyraý qalasyna jańa ákim taǵaıyndalǵanyn jazǵanbyz.
