Jańalyqtardy Kaspi.kz, Halyk Bank jáne Beeline qosymshalarynan ınternetsiz oqýǵa bolady

NUR-SULTAN. QazAqparat - QR Tsıfrlyq damý, ınnovatsııalar jáne aeroǵarysh ónerkásibi mınıstrligi Kaspi.kz, Halyk Bank jáne Beeline-men birge qosymshalardyń basty betinde «Memlekettik jańalyqtar» bólimin iske qosty, dep habarlaıdy QazAqparat.

Sońǵy aqparattardy ınternetke qosylmaı-aq, Kaspi.kz, Halyk Homebank jáne «Meniń Beeline-ym» qosymshalarynan oqýǵa bolady.

Qazirgi tańda keıbir bankterdiń tólem servısteri qaıta iske qosyldy.

Sondaı-aq birqatar aqparattyq resýrstar - tengrinews.kz, inform.kz, baq.kz, 24.kz, stopfake.kz, qazaqstan.tv, zakon.kz, baigenews.kz jáne t.b., sondaı-aq akorda.kz saıty oflaın tártipte jumys istep tur.