Jańaqorǵanda jyl basynan beri 256 adam koronavırýs juqtyrdy
QYZYLORDA. QazAqparat - Qyzylorda oblysy Jańaqorǵan aýdanynda jyl basynan beri koronavırýs juqtyrǵan 256 adam tirkeldi. Bul - aýdandar arasynda eń joǵary kórsetkish, dep habarlaıdy QazAqparat tilshisi.
Óńirde ótken jyldan beri 5 794 adam qaterli vırýsty juqtyrdy. Saldarynan oblys qazir «qyzyl» aımaqta tur. Onyń ishinde Qyzylorda qalasynda -3442 adam tirkelse, aýdan boıynsha ol Aralda - 206, Qazalyda - 274, Qarmaqshyda - 262, Jalaǵashta - 201, Syrdarııada - 354, Shıelide - 441, Jańaqorǵanda - 614 adamdy quraıdy.
«Jyl basynan beri 2 402 adam atalǵan dertke shaldyqty. Olardyń 1374-i oblys ortalyǵy turǵyndary bolsa, ol Aralda – 92, Qazalyda – 171, Qarmaqshyda – 103, Jalaǵashta – 88, Syrdarııada – 174, Shıelide – 147, Jańaqorǵanda – 256 adamǵa jetti. Ótken jyldan beri qaterli indet saldarynan 16 adam kóz jumdy», - dep málim etti Qyzylorda oblystyq densaýlyq saqtaý basqarmasynan.
Eske salsaq, Qyzylorda oblysynda vaktsınatsııa pýnkteri aptasyna 7 kún jumys isteıdi.
