Jańaqorǵanda jastar «Taza Qazaqstan» aktsııasyna atsalysty
QYZYLORDA. KAZINFORM — Qyzylorda oblysynyń Jańaqorǵan aýdanynda «Taza Qazaqstan» respýblıkalyq ekologııalyq baǵdarlamasy aıasynda Jańaqorǵan–Shalqııa avtojoly boıynda «Taza ólke — ortaq jaýapkershilik» atty tazalyq aktsııasy uıymdastyryldy.
Aktsııanyń negizgi maqsaty — qorshaǵan ortanyń tazalyǵyn saqtaý, ekologııalyq mádenıetti qalyptastyrý, turǵyndardyń týǵan jerge degen jaýapkershiligin arttyrý jáne aýdan aýmaǵyn kórkeıtý.
Tazalyq jumystaryna 50-ge jýyq belsendi jas pen «Jańarǵan Jańaqorǵan jastary» uıymynyń músheleri qatysyp, aýdanǵa kireberis sanalatyn Jańaqorǵan–Shalqııa avtojolynda aınalany retke keltirý jáne abattandyrý jumystaryn júrgizdi.
Іs-shara barysynda jastar tazalyq pen tártipti saqtaý — qoǵamnyń ortaq mindeti ekenin atap ótip, týǵan ólkeniń kórkeıýine óz úlesterin qosty. Belsendi jastar qorshaǵan ortaǵa janashyrlyq tanytyp, tabıǵatty qorǵaýǵa baǵyttalǵan bastamalarǵa belsendi qatysýdyń mańyzdylyǵyn kórsetti.
Mundaı sharalar jastardyń ekologııalyq saýattylyǵyn arttyryp qana qoımaı, týǵan jerge degen súıispenshilik pen jaýapkershilik sezimin qalyptastyrýǵa yqpal etedi.
Taza orta — eldiń kórki. Týǵan jerge janashyrlyq tazalyqtan bastalady!
