Jańaqorǵanda koronavırýs juqtyrǵandar qatarynda jastar kóbeıdi
Aýdan boıynsha qazir epıdahýal kúrdeli bolyp tur. Sáýir aıynyń ózinde indet juqtyrǵandar sany 130 adamǵa jetti. Bıylǵy jyldyń basynan beri 167 adam qaterli indettiń quryǵyna ilikti. Al pandemııa bastalǵannan beri osyndaı 525 jaǵdaı naqtylanǵan.
«Pandemııa bastalǵan ýaqytta aýyrǵandardyń basym bóligi eresekter quraıtyn. Bıylǵy jyldyń sáýir aıynda ol 18-29 jastaǵy azamattar arasynda kóbeıgen. Turǵyndardan karantın sharalaryn saqtaýdy suraımyz. Túrli merekeler men toı-tomalaqtardy ótkizýdi de toqtata turýymyz qajet», - dedi Jańaqorǵan aýdanynyń Bas memlekettik sanıtarııalyq dárigeri Shynar Aıdarova.
Aýdanda koronavırýs ınfektsııasyna qarsy vaktsına saldyrǵandardyń sany 1405-ke jetti. Eki kún buryn aýdanǵa «QazVac» vaktsınasynyń 3000 dozasy jetkizildi.
Sondaı-aq, aýdanda karantın talabyn buzǵan 23 jaǵdaı tirkelip, barlyǵyna aıyppul salyndy.
Eske sala ketelik, Qyzylordaǵa koronavırýsqa qarsy «QazVac» ekpesi jetkizildi.
