Jańaqorǵanda kópqabatty turǵyn úıdiń irgetasy qalandy - Qyzylorda oblysy
QYZYLORDA. QazAqparat - Jańaqorǵan kentiniń «Saıajaı» aýmaǵynan on segiz páterli úsh qabatty turǵyn úıdiń qurylysy bastaldy. Jobany «SMP - Qyzylorda» JShS júzege asyrmaq.
Buǵan kásipkerlikti qoldaýǵa baǵyttalǵan granttyq qarjylandyrý sheńberinde 30 mıllıon teńge qarastyrylǵan. Bul týraly QazAqparat HAA tilshisi aýdandyq ákimdikke silteme jasaı otyryp habarlady.
Turǵyn úıdiń irgetasyn qalaý rásimine oblys ákiminiń orynbasary Qýanyshbek Ysqaqov qatysty.
Qazirgi tańǵa turǵyn úıdiń irgetasyn ornalastyrý jumystary atqarylýda. Kóp qabatty turǵyn úı jobasynda: 1 bólmeli - 3 páter, 2 bólmeli - 6 páter, 3 bólmeli - 9 páter josparlanǵan.
2017 jyly Saıajaı móltekaýdanynda 15 kóp qabatty turǵyn úı salyp, 466 páterdi paıdalanýǵa berý josparlanyp otyr. Qurylys jumystaryn júrgizý barysynda 60 bos jumys oryndary ashylyp, aýdan aýmaǵyndaǵy jumyssyz azamattar jumyspen qamtylatyn bolady.
