Jańaqorǵanda kólik qaqqan jaıaý júrginshi kóz jumdy
JAŃAQORǴAN. QazAqparat - Qyzylorda oblysy Jańaqorǵan aýdanynyń ortalyǵynda jeńil kólik ıesi jaıaý júrginshini qaǵyp ketti. Jaıaý júrginshi medıtsınalyq mekemede kóz jumdy, dep habarlaıdy QazAqparat tilshisi.
Kólik júrgizýshisi - kórshilesTúrkistan oblysynyń turǵyny. Ol ózi rýlde bolǵan «Opel Vektra» kóligimen jaıaý júrginshiler jolaǵy joq jerden ótpekshi bolǵan adamdy qaǵyp ketti.
«Alǵan jaraqat saldarynan jaıaý júrginshi medıtsınalyq mekemede qaıtys boldy. Avtokólik júrgizýshisi oqıǵa ornynda anyqtaldy. Atalǵan derek boıynsha QR Qylmystyq kodeksiniń 345-babynyń 3-bóligimen sotqa deıingi tergep-tekserý amaldary júrgizilýde. Onda kólik quraldaryn basqaratyn adamnyń jol júrisi qaǵıdalaryn buzyp, abaısyzda adamnyń ólimine ákep soǵý jaǵdaıy kórsetilgen. Tıisti sot saraptamalary taǵaıyndaldy», - dep málim etti Qyzylorda oblystyq polıtsııa departamentiniń baspasóz qyzmeti.
Sondaı-aq, buǵan deıin Qyzylordada jeńil kólik júrginshiler jolaǵynda adam qaǵyp ketken edi.
