Jańaqorǵanda qatty jel 5 ǵımarattyń shatyryn ushyryp áketti

JAŃAQORǴAN. QazAqparat - Jańaqorǵan aýdanynda soqqan qatty jel 5 ǵımarat pen eki qabatty turǵyn úıdiń shatyryn ushyryp áketti, dep habarlaıdy QazAqparat tilshisi.

Oblystyq tótenshe jaǵdaılar departamentiniń málimetinshe, 24 sáýirde Jańaqorǵan aýdany aýmaǵynda qatty jel soǵyp, saldarynan 5 ǵımarat pen eki qabatty kóp páterli turǵyn úıdiń shatyry ushyp ketken.

«Jel №51 orta mektep, aýdandyq veterınarııalyq zerthanasy, aýdandyq ákimdigi, aýdandyq qarjy bólimi jáne agralyq-tehnıkalyq kolledjiniń jáne oǵan qosa Altynsarın kóshesindegi 2-qabatty turǵyn úı shatyryn ushyrǵan»,

- delingen departament habarlamasynda.

Vedomstvo málimetinshe, oqıǵa saldarynan qaza bolǵandar men zardap shekkender joq.

Sondaı-aq qatty jel men jańbyr aýdannyń elektr júıesine de áser etken. Jańaqorǵan kenti men birqatar aýylda oǵan baılanysty avarııalyq jaǵdaı tirkelgen.

Aýdan ákimdigi aqaýdy qalpyna keltirý baǵytynda tıisti jumystar júrgizilýde.

Eske salsaq, budan buryn Qazalyda qatty jel birqatar nysandardyń shatyryna ushyryp áketti.