Jańaqorǵanda 10 jáne 11 jasar eki bala kanalǵa batyp ketti
QYZYLORDA. QazAqparat - Qyzylorda oblysynda 10 jáne 11 jastaǵy eki bala kanalǵa sýǵa batyp ketti, dep habarlaıdy QazAqparat tilshisi.
Oqıǵa búgin, 3 shilde saǵat 14.30 shamasynda Jańaqorǵan kenti aýmaǵynda boldy.
2010 jáne 2011 jyly týǵan eki bala Jarshykól kanalyna sýǵa batyp ketken.
Eki balanyń da denesi turǵyndar kómegimen sýdan shyǵarylǵan.
Aldymen 10 jastaǵy balanyń máıiti tabylsa, odan keıin aýdandyq №14 órt sóndirý bóliminiń órt sóndirýshi-qutqarýshysy Aıdar Myrzabekov 11 jastaǵy jasóspirimniń denesin jaǵaǵa shyǵardy.
«Turǵyndardan barlyq saqtyq sharalaryna nazar aýdarýyn suraımyz. Balalardy baqylaýsyz qaldyrmaýǵa nazar aýdaryńyzdar», - dedi oblystyq tótenshe jaǵdaılar departamenti órt sóndirý jáne avarııalyq qutqarý jumystary qyzmetiniń mamany Álııa Erejepova.
Eske salsaq, budan buryn Qyzylordada sýǵa ketken er adamnyń denesi 3 kúnnen keıin tabyldy.
