Jańaqorǵanda «1 aýyl - 1 kásip» jobasy qolǵa alyndy
JAŃAQORǴAN. QazAqparat - Qyzylorda oblysy Jańaqorǵan aýdanynda «1 aýyl - 1 kásip» jobasy qolǵa alyndy, dep habarlaıdy QazAqparat tilshisi.
Atalmysh joba árbir aýyldyń tabıǵı jáne sharýashylyq jaǵdaıyna baılanysty júzege asyrylady. Buryn egin jáne kókónis-baqsha daqyldaryn ósirýmen aınalysatyn sharýashylyqtar sol kásipterin damytýǵa mańyz berip otyr. Jaqyn shetel men elimizdiń ózge óńirlerine qarbyz ósirýmen áıgili bolǵan Jaıylma dıqandary sol baǵytta jumys atqaryp keledi. Kezinde qoı sharýashylyǵymen elge tanylǵan Aqúıik aýyldyq okrýgindegi sharýalar endi úırek ósirýge beıimdele bastalady.
«Sharýalar 33,5 mln teńge nesıe aldy. Oǵan 9 myńǵa jýyq úırek satyp aldy. Sonyń nátıjesinde óz sharýashylyqtaryn damytýǵa múmkindik aldy. Qazirge deıin olar 4212 úırekti Qyzylorda qalasyndaǵy «Bereke» qus sharýashylyǵyna bordaqylap ótkizdi», - dedi Jańaqorǵan aýdanynyń ákimi Ǵalym Ámireev.
Osy maqsatta okrýgtegi «Qarataý-Aqúıik» AÓK músheleri úırek sharýashylyǵyn damytý maqsatynda jeńildetilgen nesıe aldy. Qarjy Qyzylorda óńirlik ınvestıtsııalyq ortalyǵy arqyly berilgen.
