Jańaqorǵan jastary muqtaj otbasyǵa asar ádisimen úı salyp berdi

QYZYLORDA. KAZINFORM – Qyzylorda oblysy Jańaqorǵan aýdanynyń erikti jastary muqtaj otbasyǵa 13-shi baspananyń kiltin syılady.

Жаңақорған жастары мұқтаж отбасыға асар әдісімен үй салып берді
Фото: «Жаңарған Жаңақорған жастары» ҚҚ

Bul joly oǵan Aıdarovtar otbasy ıe boldy. Otaǵasynyń múmkindigi shekteýli, inisiniń til múkistigi bar jáne naýqas anasy olarmen birge turady.

– Bizge «úı beremiz» dep aıtqan joq. Meshitke shaqyrǵan soń kelgenmin. Oıda joqta osyndaı tosynsyı jasady. Armanymyzǵa jetýge atsalysqan jomart azamattarǵa alǵys bildiremin, – dedi qýanysh ıesi Álııa Ábjalova.

«Jańarǵan Jańaqorǵan jastary» qoǵamdyq qory qurylǵaly beri baspanaǵa asa muqtaj otbasylardy osylaı qýantýdy dástúrge aınaldyrǵan. Uıym belsendileri 13-shi úıdi de asarlatyp salyp bitirdi. Shamasy jetkenderdiń bir toby qurylysqa atsalyssa, biri jaryq júrgizip, ekinshisi gaz jetkizip berdi. Aýdan azamattary qarjylaı kómegin de, qol kómegin de aıaǵan joq.

– Úıdi kim alatynyn sońyna deıin eshkimge aıtpaımyz. Kúni buryn ǵana aqyldasyp, ortaq sheshimge kelemiz. Qolymyzda baspanaǵa muqtaj jandardyń tizimi bar. Qaısysy qandaı jaǵdaıda turyp jatqanyn kórgenbiz, bárin bilemiz. Áýelgi ýaqytta úıdi páter jaǵalap júrgen kópbalaly otbasylarǵa úlestirdik. Osy kúni múmkindigi shekteýli adamy bar otbasylarǵa basymdyq berip júrmiz. Eń basty talap – úıge shyn muqtaj bolýy kerek, – dedi qor ókili Ábdisamat Ábdish.

Keshe túrkistandyq jastar 9 balasy bar otbasyǵa úı salyp bergenin jazǵan bolatynbyz.

Сейчас читают