Jańaqorǵan kentinde «Nur» bazary órtendi, jalyn 375 sharshy metr aýmaqty joıdy - QR TJM
ASTANA. 17 qyrkúıek. QazAqparat - Qyzylorda oblysynyń Jańaqorǵan kentinde «Nur» bazary otqa orandy, 375 sharshy metr aýmaq órtenip ketti,
dep habarlandy QR TJM-niń baspasóz qyzmetinen.
Búgin, saǵat 04.04-te Qyzylorda oblysy Jańaqorǵan qala úlgisindegi kenttiń M. Kókenov kóshesiniń boıynda ornalasqan bir qabatty tóbesi jabylǵan «Nur» bazarynyń shatyry órtendi. Jalyn 375 sharshy metr aýmaqty sharpydy. Qaza bolǵandar men zardap shekkender joq.
Órt saǵat 07.29-da sóndirildi, ony aýyzdyqtaýǵa QR TJM Qyzylorda oblysy boıynsha TJD órtke qarsy qyzmetiniń 14 adamy men 4 tehnıkasy jumyldyryldy.
