Jańaqorǵan aýdanynda qum arasynan 2 esirtki alqaby tabyldy
Qyzylorda oblysy Polıtsııa departamenti jəne Jańaqorǵan aýdandyq polıtsııa bóliminiń qyzmetkerleri «Qarasora» jedel profılaktıkalyq is-sharasyn júrgizdi. Onyń barysynda aýdanǵa qarasty Kelintóbe aýylynyń kún batys jaǵyndaǵy qum arasynan eki esirtki alqaby tabyldy.
Esirtki egýshiler eldiń kózinen tasa jerdegi «Qara oı» degen alqapty tańdaǵan. Onda 20 sotyq alqap arnaıy daıyndalǵan. Polıtseıler osy jerden erekshe ısi bar jasyl tústi 5032 túp shópti tərkiledi.
«Oqıǵa ornynda úsh azamat ustaldy. Olardyń bireýi – Almaty qalasynyń, ekeýi Qyzylorda oblysynyń turǵyndary. Kúdiktiler Jańaqorǵan aýdandyq polıtsııa bóliminiń ýaqytsha ustaý abaqtysyna qamaldy. Bul derek boıynsha QR Qylmystyq kodeksiniń 300-babynyń 2-bóliginiń 3- tarmaǵymen sotqa deıingi tergep-tekserý amaldary júrgizilýde. Onda iri mólsherde ósirýge tyıym salynǵan ósimdikterdi egý nemese ósirý nemese soranyń, kóknərdiń nemese quramynda esirtki zattar bar basqa da ósimdikterdiń suryptaryn egip-ósirý jaǵdaıy kórsetilgen», - dep məlim etti Qyzylorda oblystyq polıtsııa departamentiniń baspasóz qyzmeti.
Eske sala ketsek, budan buryn ózin polıtsııa qyzmetkerimen dep tanystyrǵan alaıaqtyń Qyzylorda turǵynynyń telefonyn qoldy etkenin hbarlaǵan bolatynbyz.