Jańaqalada aýyl turǵyndaryn qoldaý maqsatynda 382,8 mln. teńge nesıe bólindi - BQO
Aýdan ákimdiginen túsken málimetke qaraǵanda, baǵdarlamanyń birinshi baǵyty boıynsha aýdanda 42 adam 9 mamandyq boıynsha qaıta daıarlaý kýrstaryna, 11 adam biliktiligin arttyrý kýrstaryna jiberildi. 2012 jyldyń alǵashqy jartyjyldyǵynda osy qaıta daıarlaý kýrsynan ótken 53 adamnyń 50-i jumyspen qamtyldy. Atap aıtqanda, 9 adam turaqty jumysqa ıe boldy. 6 adam jastar tájirıbesi arqyly, 3 adam áleýmettik jumys ornyna, 6 adam bólim arqyly aqyly qoǵamdyq jumysqa, 26 adam ýaqytsha jumysqa jiberildi. 2 adam óz kásipterin ashyp, baǵdarlamanyń ekinshi baǵyty boıynsha memleketten nesıe alyp, jumys jasaýda.
2012 jyly qaıta daıarlaý kýrstaryna 10 adam, kásibı biliktiligin arttyrýǵa 3 adam jiberý josparlansa, kúni búgin №8 Jańaqala kásiptik lıtseıin «tas qalaýshy» mamandyǵy boıynsha 10 adam bitirip, onyń beseýi ýaqytsha maýsymdyq jumysqa ornalasty. Joldamamen «1S-Býhgalter» mamandyǵy boıynsha biliktiligin jetildirgen bir adam aqyly qoǵamdyq jumyspen qamtyldy.
Bıylǵy jyly áleýmettik jumys ornyn uıymdastyrý men qarjylandyrýǵa 11 mln. 631 myń teńge qaraldy. Áleýmettik jumys ornyn ashýǵa 53 sharýa qojalyǵy men kásipkerlerden suranys tirkeldi.
Jyldyń alǵashqy jartysynda suranystarǵa sáıkes 51 jumys berýshimen 98 adamdy 9 aı jumyspen qamtý jóninde kelisimshart jasalyp, qaralǵan qarjy tolyq ıgerildi.
Aýdanǵa jastar tájirıbesin uıymdastyrý men qarjylandyrý úshin 65 adam 12 mln. 79 myń teńge qarjy bólingen edi. Qajettilikke oraı taǵy 40 adamǵa 7 mln. 405 myń teńgege suranys berilip, bólindi.
Jyldyń ótken alty aıynda 46 mekemege 93 jumyssyz jas alǵashqy kásibı tájirıbe jınaqtaý maqsatynda 6 aıǵa ýaqytsha jumysqa joldanyp, qaralǵan qarjy tolyq ıgerilgen-di.
«Jumyspen qamtý - 2020» baǵdarlamasynyń ekinshi baǵyty boıynsha az qamtylǵandardy, ózin-ózi jumyspen qamtýshylardy, jumyssyzdardy qoldaý maqsatynda aýdanǵa 382,8 mln. teńge nesıe bólindi. Osy nesıeni ıgerý maqsatynda 201 adamdy qamtyǵan 61 nesıe seriktesitigi quryldy. Ol adamdardyń 90-y ózin-ózi jumyspen qamtýshylar, 88-i jumyssyzdar, 23-i az qamtylǵandar edi.
Qujattaryn tapsyrǵan 57 nesıe seriktestiginiń 49-y alǵashqy konkýrstan ótip, 349,7 mln. teńge nesıe alýǵa qol jetkizdi. Olardyń 38-i mal sharýashylyǵymen aınalysýǵa, ekeýi monsha salýǵa, 1-ýi sút ónimderin óndirýge, 2-ýi tigin tsehyn, 1-ýi jarnama agenttigin ashýǵa, 1-ýi balalardyń oıyn-saýyq keshenin, 1-ýi shashtaraz, 2-ýi qurylys materıaldaryn daıyndaý, 1-ýi esik, tereze jasaý tsehyn ashýǵa nıet etkender edi. Olardyń bári de jumystaryn bastap ketti.
Osy 49 nesıe seriktestigi 173 adamdy qamtysa, olardyń 116-sy - óz betinshe jumyspen aınalysýshylar, 57-si - az qamtylǵandar.
Halyqqa qyzmet kórsetý salasyna alynǵan nesıeler de maqsatty jumsalýda. Kúni búginge deıin nesıe alýǵa qol jetkizgender 389 bas sıyr, 2368 bas qoı, 32 bas jylqy men 2 bas túıe satyp alypty. Nesıe bes aı ishinde ıgerilýge tıis bolǵandyqtan, mal satyp alý jalǵasýda.
Alǵashqy konkýrstan ótpegen 9 nesıe seriktestigi qaıta jarııalanǵan konkýrsta 33,1 mln. teńge nesıe alýǵa qol jetkizdi. Olardyń 7-ýi mal sharýashylyǵymen aınalysýǵa, 1-ýi qurylys materıaldaryn daıyndaýǵa, 1-ýi monsha salýǵa jospar jasaǵandar edi.
Baǵdarlamanyń úshinshi baǵyty boıynsha ekonomıkalyq áleýeti tómen eldi meken retinde tanylǵan Baldyrǵan, Teńdik aýyldarynan 3 otbasyndaǵy 11 adam Bórli aýdanyna kóshirildi, olarǵa kóshý shyǵyndaryn óteýge sýbsıdııa Bórli aýdandyq jumyspen qamtý bólimi arqyly berilip, 3 otbasynyń jumysqa jaramdy músheleri turaqty jumysqa ornalastyrylǵan.