Jańaqala turǵynyn pyshaqtap óltirgen kúdikti ustaldy
ORAL. QazAqparat - Jańaqala aýdanynda 30 jastaǵy turǵyndy pyshaqtap óltirgen kúdikti ustaldy, dep habarlaıdy QazAqparat tilshisi.
BQO polıtsııa departamentiniń baspasóz qyzmetinen túsken málimetke qaraǵanda, qazirgi kezde QR QK 99-baby 1-bóligine sáıkes tergeý amaldary júrgizilýde.
Atalmysh oqıǵa týraly 30 qańtar kúni Jańaqala aýdanynyń ákimi Naýryzbaı Qaraǵoıshınniń turǵyndarmen eseptik kezdesýinde de sóz boldy.
Onda sóılegen turǵyndar kisi óltirgen kúdiktiniń budan buryn da aýyl turǵyndaryna birneshe ret pyshaq salǵandyǵyn jetkizdi. Onymen qoımaı, kámeletke tolmaǵandardy pyshaqpen qorqytyp, qylmysqa ıtermelegen. Turǵyndardyń sózine qaraǵanda, eger aldyn alý sharalary alynǵan kezde mundaı eki birdeı adamǵa qatygezdikpen pyshaq salý oqıǵasy bolmas pa edi.
Buǵan aýdandyq polıtsııa bóliminiń bastyǵy Ótesh Ábýǵalıev kináli adamdardyń ustalǵandyǵyn, sonyń ishinde negizgi qylmys jasaǵan kúdiktiniń qamaýǵa alynǵandyǵyn, tergeý amaldarynyń jan-jaqty, ádiletti júrgiziletinin aıtyp, jaýap berdi.
Eske sala keteıik, budan buryn 30 jasar turǵynnyń pyshaq jaraqatynan mert bolǵandyǵyn, ekinshisiniń aýdandyq aýrýhanada jatqandyǵyn jazǵan bolatynbyz.
